Tramp xorijiy filmlarga 100 foiz boj solmoqchi

– «Kino sanoatimiz boshqa davlatlar tomonidan oʻgʻirlanyapti, bu xuddi boladan qand olib qoʻygandek oson kechyapti. Ayniqsa, Kaliforniya bundan qattiq jabr koʻrmoqda. Shuning uchun AQShdan tashqarida yaratilgan har qanday filmga 100 foiz boj solamiz. Make America Great Again», – deb yozdi Tramp oʻz ijtimoiy tarmogʻida.

Tramp 2024 yil may oyidayoq Savdo vazirligi va Savdo vakilligiga shunday chora koʻrishga ruxsat bergan edi. Iyul oyida AQSh va YeI savdo kelishuvi imzolangan boʻlsa-da, hujjatda kino sanoati umuman tilga olinmadi. Yevropa kino sohasi vakillari esa bu tahdiddan xavotir bildirib, muzokaralarda oʻz manfaatlari himoya qilinmasligi mumkinligini aytgan edi.

AQSh kino va media sanoatini himoya qiluvchi Motion Picture Association (MPA) tashkiloti ham Tramp maʼmuriyatiga murojaat qilib, Yevropa qonunchiligi tufayli Amerikaning yirik striming platformalari qiyin ahvolga tushayotganini taʼkidlagan. Qoidalarga koʻra, YeI hududida xizmat koʻrsatuvchi platformalar katalogining kamida 30 foizini Yevropa filmlari tashkil etishi shart.

Yevropa Audiovizual observatoriyasi maʼlumoticha, 2023 yilda AQShda 4,8 million Yevropa filmi namoyish etilgan. Yevrokomissiya hozircha Trampning bayonotiga munosabat bildirmadi.