Amerikaning sobiq prezidenti, hozirda esa prezidentlikga nomzod Donald Trampga suiqasd uyushtirildi. Bu haqida nimalar maʼlum?

Federal Qidiruv Byurosi 20 yoshli Tomas Metyu Kruks (ing. Thomas Matthew Crooks)ni Trampni oʻldirishda gumondor ekanligi aytilmoqda. Kruks maxfiy xizmat xodimlari tomonidan oʻt ochgandan keyin oʻldirilgan.  Lekin ijtimoiy tarmoqlarda tarqalgan videoda boshqa shaxs ekanligi, u oʻzini bu ishni qilgani haqida hazilomuz video tarqatganligi aytilmoqda.
Qotillik qilishga uringan yigitning oʻldirilishi ishni yana-da murakkablashtirishi mumkin. Qiziq keys –  2020 yilda Tramp Oq uy foyesidan ikki sobiq davlat rahbari – 42-Prezident Bill Klinton va 43-Prezident kichik Jorj Bushning portretini olib tashlatgan, ularning oʻrniga Uilyam Mak-Kinli va Teodor Ruzvelt suratini ilib qoʻygan edi. Bu ikki prezident ham oʻz vaqtida suiqasdga uchragan.
Hozirda Trampning uyi politsiya va maxfiy xizmat xodimlari tomonidan qoʻriqlanmoqda, Trampni qoʻllab quvvatlovchilar Nyu-Yorkdagi Trampning uyi oldida uni qoʻllab quvvatlash niyatida yigʻilishgan va Trampni keyingi prezident sifatida maʼqullash niyatida ekanini bildirishgan.
Elon Mask Trampga ovoz berishini ommaga ochiqladi  va uning saylov oldi kompaniyasini qoʻllab quvvatlash maqsadida katta mablagʻ oʻtkazganligini aytdi.
Bu holat Demokratlarning oʻz saylovchilarini yoʻqotishi va Baydendan prezidentlik saylovdan oʻzini nomzodini olishi aytilayotgan chogʻda boʻlib oʻtgani har xil konspirologiyaga ishonovchi shaxslar tomonidan turli mishmishlarni koʻpayishiga olib kelayapti.
Aytib oʻtish joizki, AQShning 45 ta prezidentidan 13 tasiga prezidentni oʻldirish harakatlari uyishtirilgan boʻlib, bu suiqasdlar oqibatida 4 Amerika Prezidentlari vafot etgan. Oxirgi 9 prezidentdan 7 tasiga suiqasd uyishtirilgan.
Mutaxassislar Amerika prezidentlariga “dushman davlatlar” yoki xalqaro jinoiy tashkilotlar suiqasd uyushtirgan, degan fikrdan yiroq.
Trampga uyushtirilgan suiqasddan soʻng turli versiyalar urchimoqda. Ayrimlar mazkur holatdan sobiq prezident saylovchilar orasidagi mashhurligini oshirish uchun foydalanishi mumkinligini aytmoqda. Bayden jamoasi ham Tramp bilan bogʻliq keysdan foydalanib, qurol olib yurishni taqiqlash haqidagi pozisiyasini mustahkamlashi mumkin. Suiqasdni amalga oshirgan Tomas Metyu Kruks atigi 20 yoshda boʻlgani bunda qoʻl kelishi mumkin.
Trampning oʻzi esa uni muqarrar oʻlimdan faqat baxtli tasodif qutqarib qolganini aytgan. Sobiq prezident unga oʻq uzilganini anglab yetganda ichidan oʻtgan fikrlari, sarosimaga tushgan olomonning unga munosabati haqida soʻzlab bergan.
“Oʻsha paytda u yerdagi odamlardan menga bir quvvat kelayotganini sezdim. Ular shunchaki oʻz joylarida turishgan edi. Ammo bunda men ularning qoʻllab-quvvatlovini sezdim. Bu tuygʻuni tasvirlash qiyin.
Yuz bergan hodisaga faqatgina tarix hukm qilishini bilardim. Insonlarga ahvolim yaxshi ekanligini aytishim kerakligini bilardim. Qoʻlimni koʻtardim va hammasi joyida ekanini koʻrsatdim”, degan Tramp Washington Examiner nashriga bergan intervyusida.