Xitoyning Shensi provinsiyasi hukumati Transport universitetiga 1,8 mln dollar grant ajratildi

Shensi provinsiyasi hukumati tomonidan Toshkent davlat transport universitetiga ajratilgan grantlar orqali oʻzbekistonlik yoshlar Changan universitetida tahsil olish imkoniyatiga ega boʻlishdi.

Taʼlim granti umumiy qiymati 13 million yuanga (taxminan 1,8 million AQSh dollari) teng boʻlib, 10 nafar PhD, 40 nafar magistratura va 60 nafar bakalavr bosqichi talabalarini qamrab oladi.

Dasturlar 1+1 magistratura va 2+2 bakalavriat shaklida amalga oshiriladi.

Mazkur grant dasturi Oʻzbekiston – Xitoy taʼlimiy hamkorligining muhim natijasi boʻlib, yoshlarimizga xalqaro tajriba, zamonaviy bilim va nufuzli diplomga ega boʻlish imkonini yaratadi.