Xorazmda 13 yoshli qiz 5 nafar yigit tomonidan zoʻrlandi

Unga koʻra, mazkur voqea Xorazm viloyati Shovot tumanida sodir boʻlgan. 13 yoshli oʻquvchi qiz 15-16 yoshli besh nafar yigit tomonidan zoʻrlanishi oqibatida qiz farzandli boʻlgan. 

Qizga zoʻravonlik qilishga gumonlanayotgan yigitlarning ikki nafari 2005 yilda tugʻilgan. Qolgan uch nafari 9, 10, 11-sinf oʻquvchilari boʻlgan. Ushbu holat yuzasidan Shovot tumani IIB huzuridagi tergov boshqarmasi tomonidan tergovga qadar tekshiruv harakatlari oʻtkazilgan. 

Joriy yilning 19 iyul kuni esa mazkur jinoyatni sodir etganlarga nisbatan Jinoyat kodeksining 128-moddasi 1-qismi (oʻn olti yoshga toʻlmagan shaxs bilan jinsiy aloqa qilish) bilan jinoyat ishi qoʻzgʻatilgan. 

"Hozirda tergov harakatlari davom etmoqda. Qizning sogʻligʻi nazoratda, unga vaziyat yuzasidan ijtimoiy-huquqiy koʻmak koʻrsatish choralari koʻrilmoqda", 

deydi Bolalar ombudsmani vakili. 

Eslatib otamiz, avvalroq Rossiyada oʻzbekistonlik 21 yoshli yigit 37 yoshli oʻzbek ayoliga jinsiy tajovuz qilgandi.