Yaponiya bosh vaziri isteʼfoga chiqishga qaror qildi

Yaponiyaning Liberal-demokratik partiyasi (LDP) raisi va bosh vaziri Shigeru Ishiba joriy oy oxiriga qadar isteʼfoga chiqish niyatida. Bu haqda 23 iyul kuni Yaponiyaning “Yomiuri” nashri xabar berdi.

Maʼlumotlarga koʻra, Ishiba bu haqda oʻz atrofidagi hamkasblariga allaqachon maʼlum qilgan. U 23 iyulda LDPning bosh maslahatchisi Taro Aso, gubernator oʻrinbosari Yoshixide Suga va sobiq bosh vazir Fumio Kisida bilan uchrashishi rejalashtirilgani maʼlum qilindi.

20 iyul kuni boʻlib oʻtgan saylovlarda LDP va uning koalitsiyadagi hamkori “Komeyto” partiyasi parlamentning yuqori palatasi — maslahatchilar palatasidagi koʻpchilik oʻrinlarini yoʻqotdi. Ular jami 47 mandat (LDP — 39, “Komeyto” — 8) oldi, bu esa talab qilinadigan 50 oʻringa yetmadi (palatada jami 125 oʻrin bor).

Saylovdagi magʻlubiyat ortidan partiya ichida Ishibaning isteʼfosini talab qiluvchi chaqiriqlar kuchaydi. 22 iyuldan esa partiyada muddatdan oldingi saylovlarni oʻtkazish uchun imzo yigʻish kampaniyasi boshlandi.

Bosh vazir Shigeru Ishiba oʻz bayonotida AQSh bilan tariflar masalasidagi muzokaralar yakunlangandan soʻng isteʼfoga chiqishini maʼlum qildi.