Афғонистон Амударё ҳавзасидан кўпроқ нефть қазиб олмоқчи

Афғонистон Амударё ҳавзасида 25 та янги нефть қудуғини ишга тушунишни режалаштирмоқда. Ҳукумат мазкур режани амалга оширадиган бўлса, бунинг ортидан суткалик нефть қазиб олиш ҳажми 3000 тоннага этиши мумкин. Бу ҳақда "TOLO news" нашри маълум қилди.

Жаҳон

24.10.2024, 10:09

Lotinchada

Улашиш:

Afgʻoniston Amudaryo havzasidan koʻproq neft qazib olmoqchi

Афғонистон кон ва нефть вазирлиги матбуот котиби Ҳамдуллоҳ Фитрат бугунги кунда Амударё ҳавзасидаги конда 24 та фаол қудуқ борлигини, мазкур қудуқлардан кунига 1300 тонна нефть қазиб олинаётганини билдирган.

"Ҳозирда бизда 13,5 тоннага яқиннефтьь қазиб олувчи 24 та фаол қудуқ бор. Мамлакатимизнинг Кон ва нефть вазирлиги жорий йил охиригача яна 25 та қудуқни ишга туширишни режалаштирмоқда. Шундан 18 таси янгидан қурилади, разведка қудуқларининг 5 таси қайта тикланади", дейди вазирлик матбуот котиби.

Маҳаллий экспертлар ҳукумат мутасаддилари аниқ ва ўлчовли режа асосида янги қудуқларда бурғилаш ишларини олиб боришини, қазиб олинган нефтни қайта ишлаш учун инвесторларни жалб этиш кераклигини таъкидлаган.

"Афғонистон потенциал жиҳатдан табиий ресурсларга бой, аммо афсуски, бизда бу ресурсларни қайта ишлаш учун замонавий техника йўқ. Қайта ишлаш ускуналарини импорт қилиш бўйича бошқа давлатлар билан ҳамкорлик қилиш зарур", дейди иқтисодчи Абдул Заҳур Мадабер.

Бошқа бир эксперт эса Афғонистон ҳукуматининг ушбу режаси мамлакатдаги инфляцияни яхшилаши мумкинлигини айтган.

"Табиий ресурсларни ишлаб чиқариш ҳамда қайта ишлаш мамлакатдаги фуқаролар учун янги иш ўринларини яратиш ва Афғонистонда инфляцияни пасайтиришга ижобий таъсир кўрсатиши мумкин", дейди Муҳаммад Асиф Станекзай.

Маълумот учун, Афғонистон Кон ва нефть вазирлигининг статистик маълумотларида бугунги кунда мамлакатнинг нефтга бўлган эҳтиёжининг атиги 10 фоизи ички манбалар ҳисобидан қондирилади.

Жаҳон

24.10.2024, 10:09

Улашиш:

#Амударё #Афғонистон

мавзуга оид янгиликлар