Американинг собиқ президенти, ҳозирда эса президентликга номзод Доналд Трампга суиқасд уюштирилди. Бу ҳақида нималар маълум?

Федерал Қидирув Бюроси 20 ёшли Томас Метю Крукс (инг. Thomas Matthew Crooks)ни Трампни ўлдиришда гумондор эканлиги айтилмоқда. Крукс махфий хизмат ходимлари томонидан ўт очгандан кейин ўлдирилган.  Лекин ижтимоий тармоқларда тарқалган видеода бошқа шахс эканлиги, у ўзини бу ишни қилгани ҳақида ҳазиломуз видео тарқатганлиги айтилмоқда.
Қотиллик қилишга уринган йигитнинг ўлдирилиши ишни яна-да мураккаблаштириши мумкин. Қизиқ кейс –  2020 йилда Трамп Оқ уй фоесидан икки собиқ давлат раҳбари – 42-Президент Билл Клинтон ва 43-Президент кичик Жорж Бушнинг портретини олиб ташлатган, уларнинг ўрнига Уилям Мак-Кинли ва Теодор Рузвелт суратини илиб қўйган эди. Бу икки президент ҳам ўз вақтида суиқасдга учраган.
Ҳозирда Трампнинг уйи полиция ва махфий хизмат ходимлари томонидан қўриқланмоқда, Трампни қўллаб қувватловчилар Нью-Йоркдаги Трампнинг уйи олдида уни қўллаб қувватлаш ниятида йиғилишган ва Трампни кейинги президент сифатида маъқуллаш ниятида эканини билдиришган.
Элон Маск Трампга овоз беришини оммага очиқлади  ва унинг сайлов олди компаниясини қўллаб қувватлаш мақсадида катта маблағ ўтказганлигини айтди.
Бу ҳолат Демократларнинг ўз сайловчиларини йўқотиши ва Байдендан президентлик сайловдан ўзини номзодини олиши айтилаётган чоғда бўлиб ўтгани ҳар хил конспирологияга ишоновчи шахслар томонидан турли мишмишларни кўпайишига олиб келаяпти.
Айтиб ўтиш жоизки, АҚШнинг 45 та президентидан 13 тасига президентни ўлдириш ҳаракатлари уйиштирилган бўлиб, бу суиқасдлар оқибатида 4 Америка Президентлари вафот этган. Охирги 9 президентдан 7 тасига суиқасд уйиштирилган.
Мутахассислар Америка президентларига “душман давлатлар” ёки халқаро жиноий ташкилотлар суиқасд уюштирган, деган фикрдан йироқ.
Трампга уюштирилган суиқасддан сўнг турли версиялар урчимоқда. Айримлар мазкур ҳолатдан собиқ президент сайловчилар орасидаги машҳурлигини ошириш учун фойдаланиши мумкинлигини айтмоқда. Байден жамоаси ҳам Трамп билан боғлиқ кейсдан фойдаланиб, қурол олиб юришни тақиқлаш ҳақидаги позисиясини мустаҳкамлаши мумкин. Суиқасдни амалга оширган Томас Метю Крукс атиги 20 ёшда бўлгани бунда қўл келиши мумкин.
Трампнинг ўзи эса уни муқаррар ўлимдан фақат бахтли тасодиф қутқариб қолганини айтган. Собиқ президент унга ўқ узилганини англаб етганда ичидан ўтган фикрлари, саросимага тушган оломоннинг унга муносабати ҳақида сўзлаб берган.
“Ўша пайтда у ердаги одамлардан менга бир қувват келаётганини сездим. Улар шунчаки ўз жойларида туришган эди. Аммо бунда мен уларнинг қўллаб-қувватловини сездим. Бу туйғуни тасвирлаш қийин.
Юз берган ҳодисага фақатгина тарих ҳукм қилишини билардим. Инсонларга аҳволим яхши эканлигини айтишим кераклигини билардим. Қўлимни кўтардим ва ҳаммаси жойида эканини кўрсатдим”, деган Трамп Washington Examiner нашрига берган интервюсида.