Аттестация имтиҳонларини ечиб берган “бункер” фаолияти фош этилди

Наманган шаҳрида педагогларнинг аттестация жараёнига масофадан туриб ноқонуний аралашиш учун ташкил қилинган махфий “бункер” аниқланиб, унинг фаолияти тўхтатилди. "Бункер” сифатида фойдаланилган хонадон кўздан кечирилганда тест саволларини ечишда жалб этилган 12 нафар педагог аниқланган. Шунингдек, бир неча ноутбук, 30 дона турли эшитиш мосламалари, яширин камералар, 8 та Wi-Fi роутер ва бошқа жиҳозлар ашёвий далил сифатида олинди.

Ўзбекистон

21.11.2025, 07:52

Lotinchada

Улашиш:

Бу ҳақда ДХХ маълум қилди.

Давлатобод туманидаги умумтаълим мактаби директори ўринбосари, Наманган давлат техника университети бўлим бошлиғи ва мутахассиси ҳамда уларнинг шериклари аттестация тестларига кирган ўқитувчиларга моддий манфаат эвазига ёрдам кўрсатиб келгани фош этилган.

Ўтказилган тезкор тадбир чоғида “бункер” сифатида фойдаланилган хонадон кўздан кечирилиб, тест саволларини ечишда жалб этилган 12 нафар педагог аниқланган. Шунингдек, бир неча ноутбук, 30 дона турли эшитиш мосламалари, яширин камералар, 8 та Wi-Fi роутер ва бошқа жиҳозлар ашёви далил сифатида олинди.

Дастлабки текширувларга кўра, гумондорлар 2024 йил сентябр–октябр ойларида ўқитувчиларнинг имтиҳон натижаларини ижобий ҳал қилиб бериш ваъдаси эвазига 1300–1500 доллар миқдорида пул талаб қилиб, умумий ҳисобда 25 минг доллардан ортиқ маблағ тўплаган.

Мазкур ҳолат юзасидан Жиноят кодексининг 168-моддаси 3-қисми “б” банди ҳамда 28,211-моддаси 2-қисми “а” банди билан жиноят иши қўзғатилди. Тергов ҳаракатлари давом этмоқда.

Маълум бўлишича, мактаб директори ўринбосари ва “бункер”ни бошқарган 2001 йилда туғилган шахс аввал ҳам шунга ўхшаш жиноятлар учун жавобгарликка тортилган.

Ўзбекистон

21.11.2025, 07:52

Улашиш:

#наманган #аттестация #бункер

мавзуга оид янгиликлар