Чет элдан олиб келинган дорилар таркибида хавфли моддалар аниқланди

Бугунги кунда айрим юртдошларимиз ёзда оздириш ёки турли касалликларни даволаш мақсадида турли хил чой, қаҳва ва капсула каби воситаларни истеъмол қилмоқда ҳамда уларни божхона орқали ноқонуний олиб ўтиш ҳолатлари учрамоқда.

Бошқа томондан, божхона органлари томонидан ушбу маҳсулотлар тегишли тартибда экспертизадан ўтказилганда, уларнинг таркибида инсон соғлиғига жиддий хавф туғдирувчи Сибутрамин, Тапентадол, Трамадол каби моддалар мавжудлиги аниқланмоқда. Бу воситалар Ўзбекистон Республикасида муомалада бўлиши чекланган моддалар рўйхатига киради ва улардан қонунга зид фойдаланганлик учун жиноий жавобгарлик белгиланган.

Хусусан, Наманган вилояти божхона бошқармасининг “Учқўрғон” чегара божхона пости орқали кириб келган бир фуқаронинг қол сумкасидан хорижда ишлаб чиқилган ва йўловчи божхона декларациясида кўрсатилмаган 40 дона “TAWON LIAR” номли капсула топилди. Охирги йилларда ушбу пост орқали кирган яна бир фуқаронинг қўл юкларида ҳам декларацияда кўрсатилмаган 40 дона шундай дорилар аниқланди.

Навбатдаги ҳолатда эса “Учқўрғон” пости орқали кирган шахснинг бошқарувидаги автомашинадан ҳам декларацияда кўрсатилмаган 40 дона “TAWON LIAR” капсуласи топилди.

Тадбирлар жараёнида ушбу дорилар Божхона қўмитасининг Марказий божхона лабораториясида экспертизадан ўтказилди ва уларнинг таркибида Тапентадол ва Трамадол моддалари борлиги янада тасдиқланди. Ушбу моддалар Вазирлар Маҳкамасининг тегишли ҳужжатлари билан Ўзбекистонда муомаласи чекланган гиёҳвандлик воситалари рўйхатига киритилган.

Шу ўринда божхона органлари барча фуқароларни қонунчиликка қатъий амал қилишга чақиради: шифокор тавсиясисиз ёки сизнинг номаълум манбалари орқали олинган, соғлиқка зарарли ҳамда тақиқланган дориларни мамлакатга олиб киришдан сақланинг.

Агар шахслар бундай дориларни кўриб қолса ёки божхонада шубҳали ҳолатларга гувоҳ бўлса, тегишли раҳбарият ва божхона органларига мурожаат қилишлари сўралади.