Божхона қўмитаси 25 та электромобиль харид қилади

Унга кўра, Президентнинг 2022 йил 19 декабрдаги "Электромобиллар ишлаб чиқаришни ташкил этишни давлат томонидан қўллаб-қувватлаш чора-тадбирлари тўғрисида"ги ПҚ-443-сон қарорига кўра, Божхона қўмитаси жорий йилда 25 та электромобиль ва гибрид автомобиллар харид қилиши керак.

"Мазкур харидлар давлат бюджети ёки махсус фонд маблағлари ҳисобидан эмас, божхона органларини ривожлантириш фондидан амалга оширилади", дейди у.

Тангриевнинг қўшимча қилишича, хабарларда назарда тутилаётган 71 млн 745 минг сўмлик қарздорлик фуқаро А.Т. томонидан божхона қонунбузилиши оқибатида содир этилган.

"МИБ Фарғона шаҳар бўлими иш юритувида бўлган ижро ҳужжатида назарда тутилган 71 млн 745 минг сўмлик қарздорлик эса божхона қонунбузилишини содир этган шахс А.Т. томонидан Молия вазирлиги Ягона Ғазна ҳисоб-варағига тўланган маблағ ҳисобланди. 

Унга нисбатан суднинг тегишли ҳукми чиққач, 2023 йил 17 августдаги 1351-сонли тўлов топшириқномаси асосида маблағ ушбу шахсга қайтарилган", дейди матбуот котиби.

Ҳозирда Мажбурий ижро бюроси томонидан ижро ҳужжатини тамомлаш давом этмоқда.