Bojxona qoʻmitasi 25 ta elektromobil xarid qiladi

Unga ko'ra, Prezidentning 2022 yil 19 dekabrdagi "Elektromobillar ishlab chiqarishni tashkil etishni davlat tomonidan qoʻllab-quvvatlash chora-tadbirlari toʻgʻrisida"gi PQ-443-son qaroriga koʻra, Bojxona qoʻmitasi joriy yilda 25 ta elektromobil va gibrid avtomobillar xarid qilishi kerak.

"Mazkur xaridlar davlat byudjeti yoki maxsus fond mablagʻlari hisobidan emas, bojxona organlarini rivojlantirish fondidan amalga oshiriladi", deydi u.

Tangriyevning qoʻshimcha qilishicha, xabarlarda nazarda tutilayotgan 71 mln 745 ming soʻmlik qarzdorlik fuqaro A.T. tomonidan bojxona qonunbuzilishi oqibatida sodir etilgan.

"MIB Fargʻona shahar boʻlimi ish yurituvida boʻlgan ijro hujjatida nazarda tutilgan 71 mln 745 ming soʻmlik qarzdorlik esa bojxona qonunbuzilishini sodir etgan shaxs A.T. tomonidan Moliya vazirligi Yagona Gʻazna hisob-varagʻiga toʻlangan mablagʻ hisoblandi. 

Unga nisbatan sudning tegishli hukmi chiqqach, 2023 yil 17 avgustdagi 1351-sonli toʻlov topshiriqnomasi asosida mablagʻ ushbu shaxsga qaytarilgan", deydi matbuot kotibi.

Hozirda Majburiy ijro byurosi tomonidan ijro hujjatini tamomlash davom etmoqda.