Британияда қотиллик сабаб муҳожирларга қарши намойишлар бўлиб ўтмоқда

1-август куни эрталаб учта қотиллик ва 10 марта одам ўлдиришга уриниш жиноятларида айбланган Рудакубананинг ишини Ливерпулдаги Қироллик судида кўриш бошланди. Унга нисбатан қамоққа олиш эҳтиёт чораси қўлланилган.

7 августда 18 ёшга тўладиган Ахелнинг ота-онасининг келиб чиқиши асли руандалик.

Жиноят содир этилганидан бир неча соат ўтгач ижтимоий тармоқларда гумонланувчи ҳақидаги сохта маълумотлар пайдо бўлди. X ижтимоий медиа платформасидаги Channel 3 Now аккаунтига кўра унинг исми "Али Ал-Шакати" дейилган, шунингдек, каналнинг Facebook саҳифасида уни Покистон ва АҚШдаги одамлар бошқараётгани айтилган.

Бу хабарлар бир неча соат ичида зўравон намойишчилар тўлқинини юзага келтирди. Улар масжидларга ҳукум қила бошлади, полиция билан тўқнашувлар юзага келди. Полиция бу исм сохта эканлигини, 17 ёшли гумонланувчи яқинда Британияга келган бошпана изловчи эканлиги ҳақидаги миш-мишлар ҳам сохта эканлигини билдирган, аммо намоишлар Британиянинг турли қисмларига тарқалиб улгурган.

Ўтган чоршанба куни кечқурун Лондоннинг марказида полиция намойишчилар билан тўқнашган ва 111 дан ортиқ одам ҳибсга олинган.

Ҳартлпул шаҳрида ҳам тартибсизликлар содир бўлган, у ерда саккиз киши ҳибсга олинган, бир неча полициячи яраланган ва полиция машинаси ёқиб юборилган.

Гумонланувчининг дини ҳақида нотўғри маълумотлар тарқатилиши исломофобия ва мигрантларга қарши ғазабнинг кучайишига олиб келган.

Британия Бош вазири Кей Стармер пайшанба куни бўлиб ўтган матбуот анжуманида норозилик намойишларини қоралаб, “бу шунчаки назоратдан чиқиб кетган норозилик эмас. Бу зўравонликка мутлақо мойил бўлган шахслар гуруҳидир",- деб атади.