Britaniyada qotillik sabab muhojirlarga qarshi namoyishlar boʻlib oʻtmoqda

1-avgust kuni ertalab uchta qotillik va 10 marta odam oʻldirishga urinish jinoyatlarida ayblangan Rudakubananing ishini Liverpuldagi Qirollik sudida koʻrish boshlandi. Unga nisbatan qamoqqa olish ehtiyot chorasi qoʻllanilgan.

7 avgustda 18 yoshga toʻladigan Axelning ota-onasining kelib chiqishi asli ruandalik.

Jinoyat sodir etilganidan bir necha soat oʻtgach ijtimoiy tarmoqlarda gumonlanuvchi haqidagi soxta maʼlumotlar paydo boʻldi. X ijtimoiy media platformasidagi Channel 3 Now akkauntiga koʻra uning ismi "Ali Al-Shakati" deyilgan, shuningdek, kanalning Facebook sahifasida uni Pokiston va AQShdagi odamlar boshqarayotgani aytilgan.

Bu xabarlar bir necha soat ichida zoʻravon namoishchilar toʻlqinini yuzaga keltirdi. Ular masjidlarga hukum qila boshladi, politsiya bilan toʻqnashuvlar yuzaga keldi. Politsiya bu ism soxta ekanligini, 17 yoshli gumonlanuvchi yaqinda Britaniyaga kelgan boshpana izlovchi ekanligi haqidagi mish-mishlar ham soxta ekanligini bildirgan, ammo namoyishlar Britaniyaning turli qismlariga tarqalib ulgurgan.

Oʻtgan chorshanba kuni kechqurun Londonning markazida politsiya namoyishchilar bilan toʻqnashgan va 111 dan ortiq odam hibsga olingan.

Hartlpul shahrida ham tartibsizliklar sodir boʻlgan, u yerda sakkiz kishi hibsga olingan, bir necha politsiyachi yaralangan va politsiya mashinasi yoqib yuborilgan.

Gumonlanuvchining dini haqida notoʻgʻri maʼlumotlar tarqatilishi islomofobiya va migrantlarga qarshi gʻazabning kuchayishiga olib kelgan.

Britaniya Bosh vaziri Key Starmer payshanba kuni boʻlib oʻtgan matbuot anjumanida norozilik namoyishlarini qoralab, “bu shunchaki nazoratdan chiqib ketgan norozilik emas. Bu zoʻravonlikka mutlaqo moyil boʻlgan shaxslar guruhidir",- deb atadi.