Фуқароларни сайловда фаол бўлишга чорлаган Путин Россия ядровий урушга тайёрлиги ҳақида ҳам гапирди

"Биз Россиянинг эркинлиги, суверенитети ва хавфсизлигини ҳимоя қилиш, қадриятларимиз, тарих ва маданиятимизни ҳимоя қилиш учун қанчалик якдиллигимизни аллақачон исботладик... Бугун бу йўлдан оғиб кетмаслик, ўз олдимизга қўйилган улкан мақсадларга эришиш ғоят муҳим, сайловда иштирок этиш ватанпарварлик туйғуларининг исботидир", - деди. Россияда президентлик сайлови 2024-йил 17-мартда бўлиб ўтиши белгиланган. Овоз бериш уч кун давом этади: 15, 16 ва 17-март.

12-март куни Путин мухолифатчиси Иля Понамарёв «Россияга озодлик» легиони, «Россия кўнгиллилар корпуси» ва Сибир баталёни билан биргаликда қўшма амалиёт доирасида Курск ва Белгород областларига киргани ҳақида хабар берилганди. Улар россияликларни бўлиб ўтадиган навбатдаги президентлик сайловини инкор этишга чақирган.

Украина томонидан Россияга дрон ҳужумлари ортиши фонида Путин ядровий уруш ҳақида фикр билдирди.

Журналист Дмитрий Киселевга берган интервюсида “Биз ҳақиқатан ҳам ядро урушига тайёрмизми?” деган саволга Путин “Ҳарбий-техник нуқтаи назардан, биз, албатта, тайёрмиз”, деб жавоб берди. Бундан ташқари, Россия Федерацияси Президенти Россиянинг ядровий триадаси АҚШникидан кўра замонавийроқ эканлигини таъкидлади.