Гулнора Каримова манзил колонияга ўтказилди

Гулнора Каримова шу пайтгача ушбу тумандаги 21-сонли аёллар қамоқхонасида жазо муддатини ўтаб келаётган эди. У 2020 йилда 13 йилу 4 ойга озодликдан маҳрум қилинган. 

Каримовага биринчи марта 2013 йилда иш очилган. 2015 йилда у 5 йил муддатга озодликдан маҳрум қилинган. Орадан икки йил ўтиб, яъни 2017 йилда мазкур жазо муддати 10 йилга кўпайтирилган. Аммо кейинроқ муддат 5 йилга қисқартирилган. 

Маълумот учун, манзил колония жазо муддатини енгилроқ шароитларда ўташ имконини берувчи махсус режимдаги муассаса бўлиб, бундай колонияларда маҳкумлар эркин ҳаракат қилиш имконига эга бўладилар (маълум ҳудуд ичида). 

Шунингдек, меҳнат фаолияти билан шуғулланишлари мумкин. Оилавий мулоқот қилиш учун кўпроқ имкониятларга эга бўладилар.