Gulnora Karimova manzil koloniyaga oʻtkazildi

Gulnora Karimova shu paytgacha ushbu tumandagi 21-sonli ayollar qamoqxonasida jazo muddatini oʻtab kelayotgan edi. U 2020 yilda 13 yilu 4 oyga ozodlikdan mahrum qilingan. 

Karimovaga birinchi marta 2013 yilda ish ochilgan. 2015 yilda u 5 yil muddatga ozodlikdan mahrum qilingan. Oradan ikki yil oʻtib, yaʼni 2017 yilda mazkur jazo muddati 10 yilga koʻpaytirilgan. Ammo keyinroq muddat 5 yilga qisqartirilgan. 

Maʼlumot uchun, manzil-koloniya jazo muddatini yengilroq sharoitlarda oʻtash imkonini beruvchi maxsus rejimdagi muassasa boʻlib, bunday koloniyalarda mahkumlar erkin harakat qilish imkoniga ega boʻladilar (maʼlum hudud ichida). 

Shuningdek, mehnat faoliyati bilan shugʻullanishlari mumkin. Oilaviy muloqot qilish uchun koʻproq imkoniyatlarga ega boʻladilar.