Блогерлар солиқ тўлаяптими?

Ўзбекистон Республикаси Солиқ қўмитасида блогерлар билан учрашув ўтказилди. Унда блогерлик фаолияти, солиқ тўловлари ва соҳадаги ҳуқуқий масалалар муҳокама қилинди.

Натижаларга кўра, уларнинг 55 нафари ўзини ўзи банд қилган шахс сифатида, 33 нафари якка тартибдаги тадбиркор сифатида, 22 нафари эса жисмоний шахс мақомида фаолият юритмоқда.

Солиқ қўмитасига кўра, бу ҳолат блогерлар фаолиятининг ҳақиқий кўлами билан уларнинг расмий ҳуқуқий мақоми ўртасида фарқ мавжудлигини кўрсатади.

Шунингдек, 3 миллиондан ортиқ обуначига эга 6 нафар топ-блогер фаолияти ҳам алоҳида таҳлил қилинган. Аниқланишича, 2025 йил давомида улар томонидан 360 та сторис ва 184 та реклама постлари жойлаштирилган.

Расмий электрон ҳисобварақ-фактуралар маълумотларига кўра, ушбу блогерларнинг умумий даромади 2,7 миллиард сўмни ташкил этган. Бюджетга эса 110,4 миллион сўм солиқ тўланган.