Иситиш мавсумида эҳтиёжманд оилаларга 1 млн сўмлик ёрдам берилади

Ёрдам олувчилар қаторига:

“Ижтимоий ҳимоя ягона реестри” орқали болалар нафақаси ёки моддий ёрдам олувчи оилалар;

“Камбағал оилалар реестри”даги оилалар;

“Маҳалла еттилиги” томонидан шакллантирилган қўшимча рўйхатга киритилган оилалар киради.

Қўшимча рўйхатга устувор тартибда қуйидагилар киритилади:

боқувчисини йўқотган оилалар;

I ёки II гуруҳ ногирони бўлган аъзоси бор оилалар;

ногиронлиги бўлган болани парваришлаётганлар;

иситиш тизими мавжуд бўлмаган кўп қаватли уйларда яшовчилар;

3 ва ундан ортиқ оила бир хонадонда яшовчилар;

оғир касал беморни парваришлаётганлар;

ёлғиз кекса ёки ногиронлиги бор фуқаролар.

Ушбу тоифага кирувчи аҳоли 25 сентябрга қадар “Маҳалла еттилиги”га мурожаат қилиши мумкин.

Ижтимоий ҳимоя миллий агентлигига кўра, мазкур чора-тадбирлар аҳолини ижтимоий қўллаб-қувватлашга хизмат қилади.