Isitish mavsumida ehtiyojmand oilalarga 1 mln soʻmlik yordam beriladi

Yordam oluvchilar qatoriga:

“Ijtimoiy himoya yagona reyestri” orqali bolalar nafaqasi yoki moddiy yordam oluvchi oilalar;

“Kambagʻal oilalar reyestri”dagi oilalar;

“Mahalla yettiligi” tomonidan shakllantirilgan qoʻshimcha roʻyxatga kiritilgan oilalar kiradi.

Qoʻshimcha roʻyxatga ustuvor tartibda quyidagilar kiritiladi:

boquvchisini yoʻqotgan oilalar;

I yoki II guruh nogironi boʻlgan aʼzosi bor oilalar;

nogironligi boʻlgan bolani parvarishlayotganlar;

isitish tizimi mavjud boʻlmagan koʻp qavatli uylarda yashovchilar;

3 va undan ortiq oila bir xonadonda yashovchilar;

ogʻir kasal bemorni parvarishlayotganlar;

yolgʻiz keksa yoki nogironligi bor fuqarolar.

Ushbu toifaga kiruvchi aholi 25 sentabrga qadar “Mahalla yettiligi”ga murojaat qilishi mumkin.

Ijtimoiy himoya milliy agentligiga koʻra, mazkur chora-tadbirlar aholini ijtimoiy qoʻllab-quvvatlashga xizmat qiladi.