Исроил эрта тонгда Эроннинг Қум шаҳрига ҳужум қилди

Бугун, 21 июнь куни Исроил Эроннинг марказий Қум шаҳрида турар-жой биносига уюштирилган зарбаси оқибатида тўрт киши яраланган, икки киши ҳалок бўлган. Бу ҳақда CNN хабар берди.

Жаҳон

21.06.2025, 10:59

Lotinchada

Улашиш:

Isroil erta tongda Eronning Qum shahriga hujum qildi

Қайд этилишича, бинонинг тўртинчи қаватига тушган зарба Исроил мудофаа кучлари Эронда янги ҳужумлар тўлқини бошлаганини айтганидан кўп вақт ўтмай содир бўлди.

BBC нашрининг ёзишича, Муқаддас Қум вилоятида Эроннинг энг йирик ва хавфсиз ядровий инфратузилма объектларидан бири "Фордо" жойлашган. Ядровий тадқиқот мажмуаси жойлашган Исфаҳонда ҳам портлаш овозлари эшитилган.

Қум вилояти маъмурияти матбуот котиби Мортеза Ҳайдарийнинг Эрон матбуотига берган баёнотига кўра, ҳужум оқибатида 16 ёшли йигит ҳалок бўлган.

"Jerusalem Post" нашрининг ёзишича, жабрланганлардан камида биттаси Эрон ядро дастурида ишлагани тахмин қилинмоқда.

CNN томонидан геолокатсияланган видеода Қум жануби-ғарбидаги бинога зарба берилгани кўрсатилган. Видеода кўп қаватли уйнинг юқори қаватларида ёнғин ёнаётганини кўриш мумкин.

Айни пайтда ярим расмий Nour News хабар беришича, шимолдан 130 километр (80 миля) узоқликдаги пойтахт Теҳрон устида ҳаво ҳужумидан мудофаа кучлари фаоллашган.

Нашрларнинг ёзишича, ҳужумнинг янги тўлқинини Эрон бошлаб берган. Эрон томонидан Исроил тарафга учирилган ракеталар уриб туширилган, бироқ бир қанча баланд бинолар ва кўп қаватли турар-жойларда ёнғин келиб чиққан. Исроил расмийлари ҳужум оқибатида яраланган ва ҳалок бўлганлар йўқлигини айтмоқда.

Эслатиб ўтамиз, Исроил Бош вазири Бинямин Нетаняху Эроннинг "Фордо" ядро дастурига ҳужум қилиш учун АҚШдан ер ости объектларга зарба бериш учун мўлжалланган ракета ва ҳарбий самолётлар сўраган эди. Шундан сўнг, Эрон агар АҚШ Эрон-Исроил урушига қўшилгудек бўлса, Эрон АҚШнинг Яқин Шарқдаги ҳарбий базаларига ҳужум қилишни айтиб ҳарбий самолёт ва қуролларини ҳаракатга келтирган эди.

Жаҳон

21.06.2025, 10:59

Улашиш: