#Исроил

АҚШ президенти Дональд Трампнинг самолёти Бен Гурион номидаги халқаро аэропортга қўнди. Унинг ташрифи биринчи етти нафар гаровдагиларнинг озод этилиши билан тўғри келди — бу Трамп ишлаб чиққан Исроил ва ҲАМАС ўртасидаги можарони тинч йўл билан ҳал этиш режасининг бир қисми ҳисобланади. Бу ҳақда Reuters агентлиги хабар берди.

АҚШ раҳбари Доналд Трамп Исроил ва Ғазо ўртасидаги уруш бутунлай тугаганини эълон қилди. Унинг айтишича, душанба ёки сешанба куни асирлар алмашинуви бўлади. Шунингдек, у Исроил ва Ғазо ўртасидаги тинчликка эриш бўйичаги Мисрдаги имзолаш маросимига ҳам қатнашиш нияти бор эканини маълум қилди.

Исроил ва ҲАМАС тинчлик режасининг биринчи босқичини имзолади — унга кўра, барча гаровдагилар озод қилинади ва Исроил мудофаа армияси (ЦАХАЛ) келишилган чизиққача чекинади. 

Роппа-роса 2 йил муқаддам – 2023 йилнинг 7 октябрь куни ҲАМАС Исроил ҳарбий базаларига кенг кўламли ҳужумларни амалга оширди. Мазкур ҳужум Исроилнинг Ғазо секторида мислсиз қатлиомни амалга оширишига сабаб бўлди. Ўн минглаб фаластинликлар, шу жумладан, болалар ва аёллар қурбон бўлди, жароҳатланди, уйсиз, озиқ-овқатсиз, тиббий ёрдамсиз қолди. Ғазоликлар бутун инсоният кўз ўнгида рақамларга, статистик маълумотларга ва тарихга айланиб бормоқда...

АҚШ президенти Доналд Трамп Ғазодаги урушни тўхтатишга қаратилган 20 бандлик тинчлик дастурини эълон қилди. Дастур Трамп ва Нетаняҳу билан учрашувидаги жонли эфирда муҳокама қилинди ҳамда администрациянинг RapidResponse47 номли каналида эълон қилинди.

Туркия Президенти Ражаб Тоиб Эрдўған БМТ Бош Ассамблеясидаги чиқишида Ғазодаги ҳаракатлари учун Исроилни қоралай бошлаган пайтда, унинг микрофони ўчирилди.

Кеча, 21 сентябрь куни Исроил АҚШда БМТ йиғилиши арафасида Ғазага уюштирган ҳужуми оқибатида 34 киши ҳалок бўлди. Бу ҳақда “Politico” нашри хабар қилди.

Кеча, 22 август куни Туркиянинг Истанбул шаҳрида Жаҳон мусулмонлари иттифоқи ва Туркиядаги Ислом уламолари жамғармаси томонидан 8 кунлик “Ғазо конференцияси” бошланди. Бу ҳақда Anadolu АА хабар берди.

Франция давлати сентябрь ойида Фаластин давлатини расман тан олишини мамлакат президенти Эммануэл Макрон маълум қилди. G7 мамлакатлари орасида биринчи бўлиб Франция Фаластинни тан олиш бўйича қадам ташлади. Бу ҳақда BBC хабар қилди.

Исроил ҳарбийлари Ғазо шимолида БМТ ёрдами учун юк машиналарини кутаётган оч фаластинликларни ўққа тутган. Ҳужум оқибатида камида 67 киши ҳалок бўлди, дея хабар беради Ҳудуднинг ХАМАС бошқараётган соғлиқни сақлаш вазирлиги.

Исроил томонидан Яқин Шарқдаги юзага келган можаролар фонида Исроил ва Сурия ўртасида сулҳга эришилди. Бу ҳақда АҚШнинг Туркиядаги элчиси ва айни пайтда Сурия бўйича махсус вакили Том Баррак Х (собиқ Twitter) ижтимоий тармоғида маълум қилди. 

АҚШнинг Исроилдаги элчиси Майк Хаккаби ўтган ҳафта Фаластиндаги америкалик Сайфуллоҳ Мусаллетнинг босиб олинган ҳудудларда ўлдирилганига ишора қилиб, бу ҳодисани террорчилик деб атади. Бу ҳақда "Тhе New York Times" хабар берди.