БМТнинг бўш залида Нетаняҳу Эронга қарши янги санкциялар жорий қилиш керклигини айтди

Исроил Бош вазири Бенямин Нетаняҳу БМТ Бош Ассамблеясида сўзлаб, Ғарб давлатларининг Фаластин давлатини тан олиш қарорини кескин танқид қилди. У айрим давлатларни “бирёқлама медиа, радикал исломий баҳолаш ва антисемитизмда тўғридан-тўғри йўл тутишда” айблади.

Нетаняху Ню-Ёркдаги БМТ Бош Ассамблеясида сўзлаган нутқида Исроилнинг Ғазодаги қарийб икки йилдан бери давом этаётган урушига нисбатан кучайиб бораётган глобал танқидни "Исроилга қарши сиёсий ва ҳуқуқий уруш" дея рад этди. У Ғарбни "Исроилни қурбон қилиш орқали муаммодан қутулишга уринишда" айблади.

Франция, Британия, Канада, Австралия ва бошқа Европа мамлакатлари Фаластин давлатини тан олганидан бир неча кун ўтиб, Нетаняҳу Фаластиннинг дипломатик ҳаракатларини "уятли ва шармандали" деб қоралади. У Ғарб раҳбарлари "7 октябрь қирғинини амалга оширган ва қўллаб-қувватлаган муросасиз мутаассибларга энг юқори мукофотни бераётгани"ни таъкидлади.

Нетаняхунинг кескин нутқи Бош Ассамблеянинг деярли бўш залида янгради. Исроилнинг халқаро миқёсда тобора яккаланиб қолаётганининг белгиси сифатида, у минбарга кўтарилганда кўплаб делегациялар дарҳол залдан чиқиб кетишди. Бироқ Нетаняху илгари кўп марта сўзга чиққан бу минбарда ўзини йўқотмади ва кечирим сўрамади. ҲАМАС, Эрон ва Ғарб мамлакатларини танқид қилиш билан бирга, Нетаняху АҚШ президенти Доналд Трампни мақтаб, "у Исроил ва Америка умумий таҳдидга дуч келганини бошқа ҳар қандай раҳбардан кўра яхшироқ тушунишини" айтди.

"Биз мутлақо аниқ фикрли ва ҳушёр бўлишимиз шарт", — деди Нетаняху Eronning ядро дастури ҳақида гапирар экан, Теҳронга қарши тезкор санкциялар киритишга чақириб.

"Биз Эроннинг ҳарбий ядро қувватларини ва бойитилган уран захираларини қайта тиклашига асло йўл қўймаслигимиз керак", — деган у.

Бироқ Нетаняхунинг энг кучли хабари БМТда эмас эди. Аксинча, у Ғазода бўлиб, у ерда Исроил ҳарбийларига ўз нутқининг овозини қамал қилинган ҳудудга узатиш учун карнайлар ўрнатишни буюрган эди.

"Азиз қаҳрамон аскарларимиз, мен Бош вазир Нетаняху, сизларга Бирлашган Миллатлар Ташкилотидан тўғридан-тўғри мурожаат қилмоқдаман. Биз сизларни бир лаҳза ҳам унутмадик", дея у гаровдагиларга иброний ва инглиз тилларида хитоб қилди, сўнгра ҲАМАСни огоҳлантирди: "Агар қолган 48 нафар гаровдагининг барчасини озод қилмасангиз, Исроил сизларни изма-из қувиб боради".