Франция ҳарбийлари Россия нефть танкерини тўхтатди

“Франция ҳарбий-денгиз кучлари якшанба куни Россиядан йўлга чиққан ва халқаро санкциялар остида бўлган “Тагор” номли нефть танкери бортига чиқди”, – деб ёзди Эммануэл Макрон Х ижтимоий тармоғида.

Ушбу операция Атлантика океанида, очиқ денгизда, бир қанча ҳамкорлар, жумладан, Буюк Британия кўмагида, денгиз ҳуқуқи қоидаларига қатъий риоя қилинган ҳолда амалга оширилган.

“Кемаларнинг халқаро санкцияларни четлаб ўтиши, денгиз ҳуқуқини бузиши ҳамда Россиянинг тўрт йилдан ошиқ вақт мобайнида Украинага қарши олиб бораётган урушини молиялаштириши номақбулдир”, – дея қўшимча Франция президенти.

Макроннинг таъкидлашича, денгизда сузишнинг энг оддий қоидаларига риоя этмайдиган ушбу кемалар атроф-муҳитга ва барчанинг хавфсизлигига таҳдид солади.

Бу – сўнгги ойларда Франция томонидан тўхтатилган, Ғарб санкцияларини четлаб ўтиб Россия нефтини ташиётганликда гумон қилинган бир нечта “соя флоти” танкерларининг энг сўнггисидир.