Fransiya harbiylari Rossiya neft tankerini to‘xtatdi

“Fransiya harbiy-dengiz kuchlari yakshanba kuni Rossiyadan yo‘lga chiqqan va xalqaro sanksiyalar ostida bo‘lgan “Tagor” nomli neft tankeri bortiga chiqdi”, – deb yozdi Emmanuel Makron X ijtimoiy tarmog'ida.

Ushbu operatsiya Atlantika okeanida, ochiq dengizda, bir qancha hamkorlar, jumladan, Buyuk Britaniya ko‘magida, dengiz huquqi qoidalariga qat’iy rioya qilingan holda amalga oshirilgan.

“Kemalarning xalqaro sanksiyalarni chetlab o‘tishi, dengiz huquqini buzishi hamda Rossiyaning to‘rt yildan oshiq vaqt mobaynida Ukrainaga qarshi olib borayotgan urushini moliyalashtirishi nomaqbuldir”, – deya qo‘shimcha Fransiya prezidenti.

Makronning ta’kidlashicha, dengizda suzishning eng oddiy qoidalariga rioya etmaydigan ushbu kemalar atrof-muhitga va barchaning xavfsizligiga tahdid soladi.

Bu – so‘nggi oylarda Fransiya tomonidan to‘xtatilgan, G‘arb sanksiyalarini chetlab o‘tib Rossiya neftini tashiyotganlikda gumon qilingan bir nechta “soya floti” tankerlarining eng so‘nggisidir.