Трамп хорижий фильмларга 100 фоиз бож солмоқчи

– «Кино саноатимиз бошқа давлатлар томонидан ўғирланяпти, бу худди боладан қанд олиб қўйгандек осон кечяпти. Айниқса, Калифорния бундан қаттиқ жабр кўрмоқда. Шунинг учун АҚШдан ташқарида яратилган ҳар қандай фильмга 100 фоиз бож соламиз. Make America Great Again», – деб ёзди Трамп ўз ижтимоий тармоғида.

Трамп 2024 йил май ойидаёқ Савдо вазирлиги ва Савдо вакиллигига шундай чора кўришга рухсат берган эди. Июль ойида АҚШ ва ЕИ савдо келишуви имзоланган бўлса-да, ҳужжатда кино саноати умуман тилга олинмади. Европа кино соҳаси вакиллари эса бу таҳдиддан хавотир билдириб, музокараларда ўз манфаатлари ҳимоя қилинмаслиги мумкинлигини айтган эди.

АҚШ кино ва медиа саноатини ҳимоя қилувчи Motion Picture Association (MPA) ташкилоти ҳам Трамп маъмуриятига мурожаат қилиб, Европа қонунчилиги туфайли Американинг йирик стриминг платформалари қийин аҳволга тушаётганини таъкидлаган. Қоидаларга кўра, ЕИ ҳудудида хизмат кўрсатувчи платформалар каталогининг камида 30 фоизини Европа фильмлари ташкил этиши шарт.

Европа Аудиовизуал обсерваторияси маълумотича, 2023 йилда АҚШда 4,8 миллион Европа фильми намойиш этилган. Еврокомиссия ҳозирча Трампнинг баёнотига муносабат билдирмади.