updated: 22.03.2026, 17:59

Европа Иттифоқи Эроннинг Исроилга жавоб зарбалари берганидан кейин можарони янада кучайтирмасликка чақирди

Европа Иттифоқи етакчилари барча томонларни босиқликка ва Эроннинг Исроилга жавоб зарбаларидан кейин Яқин Шарқдаги вазият янада ёмонлашишига йўл қўймасликка чақирди.

Жаҳон

15.04.2024, 09:16

Lotinchada

Улашиш:

Eronning Isroilga hujumi

"Минтақада (можаронинг) янада кучайишига йўл қўймаслик ва бундан ҳам кўпроқ қон тўкилишини олдини олиш учун ҳамма нарсани қилиш керак. Биз ҳамкорларимиз билан вазият ривожини диққат билан кузатишда давом этамиз", - деди Европа Кенгаши президенти Чарлз Мишел ижтимоий тармоқ орқали.

"Барча томонлар вазиятни янада оғирлаштирмасликлари ва минтақада барқарорликни тиклашга ҳаракат қилишлари керак", - деди якшанба куни Еврокомиссия раҳбари Урсула фон дер Лаен.

Европа Иттифоқининг ҳар икки етакчиси Эроннинг Исроилга ҳужумини қоралади.

Европа Иттифоқининг ташқи ишлар ва хавфсизлик сиёсати бўйича олий вакили Жозеф Боррел ижтимоий тармоқларда “бу мисли кўрилмаган кескинлик” эканини айтди ва “барча томонларни максимал даражада вазминликка” чақирди.

Ж. Боррелнинг айтишича, у 16-апрелга ЙИ ташқи ишлар вазирларининг “минтақадаги вазиятни пасайтириш ва хавфсизликни таъминлаш учун” навбатдан ташқари йиғилишини режалаштирган.

Эрон ва унинг иттифоқдош қуролли гуруҳлари шанба куни кечқурун Исроилга мувофиқлаштирилган ракета ва учувчисиз самолётлардан зарбалар берди.

Эроннинг БМТдаги доимий ваколатхонаси мамлакатнинг Исроилга қарши ҳарбий амалиёти БМТ Низомининг ўзини-ўзи ҳимоя қилишнинг қонуний ҳуқуқи ҳақидаги 51-моддасига асосланганини ва Исроилнинг Суриядаги Эрон консуллигига қилган қонли ҳужумига жавобан амалга оширилганини айтди.

Сўнгги воқеалар минтақада жанговар ҳаракатлар янада кенгайиши қўрқувини кучайтирди, чунки Исроил ва ҲАМАС ўртасида Ғазо секторида доимий ўт очишни тўхтатиш ҳали ҳам қийин.

Жаҳон

15.04.2024, 09:16

Улашиш:

#исроил #эрон #ҳужум

мавзуга оид янгиликлар