Жанубий Кореянинг асосий партиялари мамлакат президентига импичмент бермоқчи

Қайд этилишича, Юн Сук Ёлнинг мухолифи бўлган Демократик партия президентни лавозимидан олиш учун керакли овозлар кафолатлансагина овоз бериш ўтказилишини айтган. Мамлакат раҳбарининг ҳукмрон партияси (Ўз партияси) раҳбари эса Президентни дарҳол лавозимидан четлатишга чақирган ҳамда Юн ҳокимиятда қолса, мамлакатга катта хавф остида қолишини билдирган. 

Аммо мухолифатга импичмент тўғрисидаги таклифни қабул қилиши учун уларга 200 та овоз керак. Мазкур овозларни тўплаш учун камида саккизта ҳукмрон партия мухолифатга ён босиши ва уларни қўллаб-қувватлаши лозим. 

Аввалроқ ҳукуматдаги Халқ ҳокимияти партияси (ХДП) раҳбари Хан Дoн Хун Ўз партияси мухолифатининг импичмент таклифини қўллаб-қувватламаслигини айтган. Бироқ партия лидери Юн мамлакатда ҳарбий ҳолат жорий этганида йиғилиш ўтказиб, давлатга қарши айбловлар билан Хан Дoн Хунни ҳибсга олишни буюрганлигига ишончли далиллари борлигини билдирган. 

Бундан ташқари, Хан Дoн Хун Юн Сук Ёл президентлик лавозимда қолса, ҳарбий ҳолат эълон қилиш каби кескин ҳаракатлар такрорланиши мумкинлигидан хавотирда эканлигини қўшимча қилган.

"Мамлакат раҳбарининг мазкур хатти-ҳаракати Корея Республикаси ва унинг халқини катта хавф остига қўймоқда", дейди Халқ ҳокимияти партияси раиси.

Шунингдек, Хан Дoн Хун Сеул жанубидаги Гвачеон шаҳрида унинг партияси аъзоларини Президент томонидан қамоққа олиш режаси тузилаётганлигини таъкидлаган.

Маълумот учун, жорий йилнинг 3 декабрь куни Жанубий Корея Президенти мамлакатда ҳарбий ҳолат жорий қилган эди. Мамлакат раҳбарининг ушбу ҳаракати халқни қўзғатган.

Юнга қарши мухолифат тарафдорлари парламент пиллапоялари олдига келиб, плакатлар билан қуролланиб, президентни лавозимидан четлаштиришни талаб қилди. Шундан сўнг 190 нафар депутат парламентга киришга ва Ёлнинг ҳарбий режимини рад этишга муваффақ бўлди.