JChda oʻzbekistonlik yunon-rum kurashchilari 6 ta medalni qoʻlga kiritdi

Ortda qolgan kun davomida uchinchi oʻrin uchun kurash olib borgan 4 nafar sportchining barchasi gʻalaba qozonib, terma jamoa hisobiga bronza medallarini qoʻshib qoʻydi. Quyidagilar bronza medalining sohibiga aylanishgan: 

— Umidjon Karomov (-45 kg); 
— Farruh Yoʻldoshev (-60 kg); 
— Behruzbek Valiyev (-71 kg); 
— Faxrikamol Komiljonov (-92 kg).

Iordaniyada oʻtayotgan jahon chempionatida "klassik" kurashchilarning qoʻlga kiritgan medallar soni 1 ta kumush va 5 ta bronzani tashkil etdi. Ushbu natija bilan Oʻzbekiston vakillari ballar boʻyicha umumjamoa hisobida ikkinchi oʻrinni egalladi. Ertadan erkin kurash boʻyicha sportchilar gʻoliblik uchun bahslarga kirishishadi.