Минтақавий давлатлар бирлашса, Исроил ваҳшийликни давом эттира олмайди — Эрон Президенти

Қайд этилишича, Пезешкиан Қатар Амири билан биргаликда ўтказган матбуот анжуманида юқоридаги фикрларни билдирган. Шунингдек, у Қатар амири билан бўлган музокаралардан сўнг Теҳрон-Доҳа ўртасидаги икки томонлама алоқаларни кенгайтиришни таклиф қилган.

"Биз Қатар ҳукумати билан муносабатларни ривожлантиришни излаяпмиз ва икки давлатнинг умумий иродаси ҳамкорлик даражасини оширади", дейди у.

Пизишкиён ўзининг Эрон вакиллари делегацияси билан Қатарда олиб борган музокараларида барча йўналишлар бўйича, жумладан, транспорт, маданият, туризм, саломатлик ва даволаш соҳаларида алоқаларни кенгайтиришга умид билдирган.

"Минтақа хавфсизлиги — барча мусулмонларнинг хавфсизлиги. Мени Президент этиб сайлашганидан бери тинчлик ва осойишталик излаяпман. Ҳеч бир давлат уруш орқали ривожлана олмайди", дея қўшимча қилган Пизишкиён.

У минтақа давлатлари биргаликда ҳаракат қилса, Исроил режими ваҳшийликларини давом эттира олмаслигига ишонишини айтган.

"Биз уруш изламаймиз, бу сионист режим бизни реакция билдиришга мажбур қилди", дейди у.

Бундан ташқари, Пизишкиён Исроил режимига янада қаттиқроқ жавоб қайтаришга ҳам тўхталган. Шунингдек, у Америка ва Европани бу режимни тўхтатишга чақириб, уларга уруш ҳеч кимнинг манфаатига таъсир қилимаслигини эслатган.

Эслатиб ўтамиз, 1 октябрь куни Эрон томонидан Исроил ҳаво мудофаасига зарба берилган эди.