Mintaqaviy davlatlar birlashsa, Isroil vahshiylikni davom ettira olmaydi — Eron Prezidenti

Qayd etilishicha, Pezeshkian Qatar Amiri bilan birgalikda oʻtkazgan matbuot anjumanida yuqoridagi fikrlarni bildirgan. Shuningdek, u Qatar amiri bilan boʻlgan muzokaralardan soʻng Tehron-Doha oʻrtasidagi ikki tomonlama aloqalarni kengaytirishni taklif qilgan.

"Biz Qatar hukumati bilan munosabatlarni rivojlantirishni izlayapmiz va ikki davlatning umumiy irodasi hamkorlik darajasini oshiradi", deydi u.

Pizishkiyon oʻzining Eron vakillari delegatsiyasi bilan Qatarda olib borgan muzokaralarida barcha yoʻnalishlar boʻyicha, jumladan, transport, madaniyat, turizm, salomatlik va davolash sohalarida aloqalarni kengaytirishga umid bildirgan.

"Mintaqa xavfsizligi — barcha musulmonlarning xavfsizligi. Meni Prezident etib saylashganidan beri tinchlik va osoyishtalik izlayapman. Hech bir davlat urush orqali rivojlana olmaydi", deya qoʻshimcha qilgan Pizishkiyon.

U mintaqa davlatlari birgalikda harakat qilsa, Isroil rejimi vahshiyliklarini davom ettira olmasligiga ishonishini aytgan.

"Biz urush izlamaymiz, bu sionist rejim bizni reaksiya bildirishga majbur qildi", deydi u.

Bundan tashqari, Pizishkiyon Isroil rejimiga yanada qattiqroq javob qaytarishga ham toʻxtalgan. Shuningdek, u Amerika va Yevropani bu rejimni toʻxtatishga chaqirib, ularga urush hech kimning manfaatiga taʼsir qilimasligini eslatgan.

Eslatib oʻtamiz, 1 oktabr kuni Eron tomonidan Isroil havo mudofaasiga zarba berilgan edi.