Муҳайё Раҳимжонова курашчи қизларимизнинг дунё биринчилигидаги илк медали эгаси

Афина (Греция) шаҳрида ўтказилаётган спорт курашлари бўйича U-17 ёш тоифасидаги Жаҳон чемпионати Ўзбекистон спортчилари учун омадли кечмоқда.

Мусобақанинг учинчи куни доирасида қизлар ўртасидаги беллашувлар давом эттирилди.

Қувончлиси, унда Ўзбекистон терма жамоаси аъзоси Муҳайё Раҳимжонова (65 кг) делегация ҳисобига навбатдаги медални қўшиб қўйди. У ҳал қилувчи баҳсда ҳиндистонлик Ашвини Вишноига имкониятни бой бериб қўйди (0:3) ва жаҳон чемпионатининг кумуш медалига эга чиқди.

Шунингдек, ўзбекистонлик ўсмирлар юнон-рум курашчилар мусобақада 4 та олтин медал қўлга киритди.