Muhayyo Rahimjonova kurashchi qizlarimizning dunyo birinchiligidagi ilk medali egasi

Afina (Gretsiya) shahrida oʻtkazilayotgan sport kurashlari boʻyicha U-17 yosh toifasidagi Jahon chempionati Oʻzbekiston sportchilari uchun omadli kechmoqda.

Musobaqaning uchinchi kuni doirasida qizlar oʻrtasidagi bellashuvlar davom ettirildi.

Quvonchlisi, unda Oʻzbekiston terma jamoasi aʼzosi Muhayyo Rahimjonova (65 kg) delegatsiya hisobiga navbatdagi medalni qoʻshib qoʻydi. U hal qiluvchi bahsda hindistonlik Ashvini Vishnoiga imkoniyatni boy berib qoʻydi (0:3) va jahon chempionatining kumush medaliga ega chiqdi.

Shuningdek, oʻzbekistonlik oʻsmirlar yunon-rum kurashchilar musobaqada 4 ta oltin medal qoʻlga kiritdi.