Онлайн кредит фирибгарлигига учраган фуқаролардан қарз ундириш тўхтатилади

Агар фуқаро номига фирибгарлик йўли билан онлайн кредит расмийлаштирилган бўлса ва у суриштирувчи, терговчи, прокурор қарори ёки суд ажрими асосида жабрланувчи деб эътироф этилса, кредит ташкилоти мазкур кредит ҳамда у билан боғлиқ фоизларни ҳисоблаш ва ундиришни тўхтатади.

Иқтисодиёт

21.01.2026, 12:06

Lotinchada

Улашиш:

Онлайн кредит олиш жараёнида фирибгарлик қурбонига айланган фуқаролардан кредит қарзини ундириш вақтинча тўхтатилади.

Адлия вазирлиги Марказий банк билан ҳамкорликда кредит ва тўлов ташкилотлари, шунингдек, тўлов тизими операторлари томонидан жисмоний шахсларга масофадан молиявий хизматлар кўрсатишда ахборот хавфсизлиги ва киберхавфсизликни таъминлаш ҳамда фирибгарлик (фрод) ҳолатларининг олдини олиш бўйича минимал талаблар тўғрисидаги низомни давлат рўйхатидан ўтказди.

Низомга кўра, агар фуқаро номига фирибгарлик йўли билан онлайн кредит расмийлаштирилган бўлса ва у суриштирувчи, терговчи, прокурор қарори ёки суд ажрими асосида жабрланувчи деб эътироф этилса, кредит ташкилоти мазкур кредит ҳамда у билан боғлиқ фоизларни ҳисоблаш ва ундиришни тўхтатади.

Шу билан бирга, кредит ташкилоти етказилган моддий зарарни фирибгарликни содир этган шахсдан регресс тартибида ундириш ҳуқуқига эга.

Агар кредит ташкилоти фирибгарлик ҳолатидан шубҳаланса, қонунчиликда белгиланган тартибда тегишли органларга мурожаат қилиши мумкин.

Бироқ суриштирув, дастлабки тергов натижалари ёки суд қарорига асосан фирибгарлик ҳолати аниқланмаса, кредит ташкилоти онлайн кредит ва унга боғлиқ фоизларни ҳисоблаш ҳамда ундиришни давом эттиради.

Иқтисодиёт

21.01.2026, 12:06

Улашиш:

#фирибгарлик #онлайн кредит

мавзуга оид янгиликлар