Ўзбекистон аҳолисининг 12,4 фоизи кўп қаватли уйларда яшайди

Аҳолини ва қишлоқ хўжалигини рўйхатга олиш тадбирининг дастлабки натижаларига кўра, Ўзбекистон аҳолисининг 4,8 миллион нафари кўп қаватли уйлардаги хонадонларда истиқомат қилади.

Бу жами аҳолининг 12,4 фоизини ташкил этади.

Аҳолининг яшаш жойи турлари бўйича тақсимланиши қуйидагича:

• шахсий якка тартибдаги хонадонларда яшовчилар - 33,3 миллион киши (85,3 фоиз);
• кўп қаватли уйлардаги хонадонларда яшовчилар - 4,8 миллион киши (12,4 фоиз);
• бошқа турдаги турар жойларда яшовчилар - 927,3 минг киши (2,3 фоиз).

Бошқа турдаги турар жойларга дала ҳовли, ётоқхона, меҳмонхона ва бошқа яшаш жойлари киради.

Аввалроқ Ўзбекистон аҳолиси сони 39 миллиондан ошгани ҳақида хабар бергандик.