Қурилиш ишлари ҳажми 14,5 фоизга ўсди

Миллий статистика қўмитаси маълумотларига кўра, 2026 йилнинг январь-май ойларида Ўзбекистонда 104,9 трлн сўмлик қурилиш ишлари бажарилган.

Бу кўрсаткич ўтган йилнинг мос даврига нисбатан 14,5 фоизга ошган.

 Қурилиш ишлари ҳажми йиллар кесимида қуйидагича (январь-май):

2022 йил – 45,8 трлн сўм;

2023 йил – 52,2 трлн сўм;

2024 йил – 59,1 трлн сўм;

2025 йил – 87,5 трлн сўм;

2026 йил – 104,9 трлн сўм.

Энг кўп қурилиш қаерда?

Жорий йилнинг январь-май ойларида ҳудудлар кесимида энг йирик қурилиш ишлари бўйича Тошкент шаҳри пешқадам (28 025,2 млрд сўм). 

Шунингдек, Тошкент вилояти (10 704,9 млрд сўм) ва Бухоро вилоятида (7 218,9 млрд сўм) ҳам йирик лойиҳалар амалга оширилган.

Иқтисодий фаолият турлари бўйича қурилиш ишлари

2026 йилнинг январь-май ойларида қурилиш ишлари иқтисодий фаолият турлари бўйича:

- бино ва иншоотлар қурилишининг улуши 70,4 фоизни;

- фуқаролик қурилиши лойиҳаларининг улуши 20,1 фоизни;

- ихтисослаштирилган қурилиш ишлари йўнилиши 9,5 % улушни ташкил этди.