Президент Шавкат Мирзиёев Жиззах вилоятига ташриф буюрди

Кластерда йилига 177 минг тонна базалт тошидан махсус тола, директ ровинг, фибра, арматура, композит геосетка, қувурлар, мато ва иссиқлик-изоляция плиталари каби 42 турдаги маҳсулот ишлаб чиқарилади. Жумладан, ўтган йили 45 минг тонна 554 миллиард сўмлик маҳсулот тайёрланган. Маҳсулотларнинг 80 фоизи АҚШ, Англия, Полша, Италия, Чехия, Грузия, Россия, Туркия, Беларус, Қозоғистон, Қирғизистон, Тожикистон каби давлатларга экспорт қилинган.  

Кластерда 1 минг 700 дан ортиқ киши иш билан таъминланган.

Шунингдек, Президент Жиззахнинг Шароф Рашидов туманида қурилаётган “Янги Ўзбекистон” массивини бориб кўрди.

Ҳозирда 140 гектарли улкан майдонда жадал қурилиш кетмоқда. Лойиҳа уч босқичли бўлиб, 3 минг 936 хонадонли 105 та кўп қаватли уй барпо этилиши режалаштирилган.

Давлатимиз раҳбари бу йил режалаштирилганига қўшимча уйлар қуриб, имтиёзли ипотека кредитлари орқали аҳолига харид имкониятини яратиш бўйича кўрсатмалар берди. Бу ҳақида UzA.uz хабар бермоқда.