Prezident Shavkat Mirziyoyev Jizzax viloyatiga tashrif buyurdi

Klasterda yiliga 177 ming tonna bazalt toshidan maxsus tola, direkt roving, fibra, armatura, kompozit geosetka, quvurlar, mato va issiqlik-izolyatsiya plitalari kabi 42 turdagi mahsulot ishlab chiqariladi. Jumladan, oʻtgan yili 45 ming tonna 554 milliard soʻmlik mahsulot tayyorlangan. Mahsulotlarning 80 foizi AQSh, Angliya, Polsha, Italiya, Chexiya, Gruziya, Rossiya, Turkiya, Belarus, Qozogʻiston, Qirgʻiziston, Tojikiston kabi davlatlarga eksport qilingan.  

Klasterda 1 ming 700 dan ortiq kishi ish bilan taʼminlangan.

Shuningdek, Prezident Jizzaxning Sharof Rashidov tumanida qurilayotgan “Yangi Oʻzbekiston” massivini borib koʻrdi.

Hozirda 140 gektarli ulkan maydonda jadal qurilish ketmoqda. Loyiha uch bosqichli boʻlib, 3 ming 936 xonadonli 105 ta koʻp qavatli uy barpo etilishi rejalashtirilgan.

Davlatimiz rahbari bu yil rejalashtirilganiga qoʻshimcha uylar qurib, imtiyozli ipoteka kreditlari orqali aholiga xarid imkoniyatini yaratish boʻyicha koʻrsatmalar berdi. Bu haqida UzA.uz xabar bermoqda.