Прокуратура 87,7 млрд. сўмлик энергия ресурслари толон-торож қилинганлигини фош этди

Жумладан, вилоят прокуратураси органлари томонидан бошқа ҳуқуқни муҳофаза қилувчи идоралар ҳамда соҳага масъул ташкилотлар билан ҳамкорликда ёқилғи-энергия ресурсларидан ноқонуний фойдаланиш ҳамда ўзбошимчалик билан уланиш ҳолатларини фош этиш бўйича кучайтирилган рейд тадбирлари ўтказиб келинмоқда.

Хусусан, жорий йилда энергия тармоқларига ноқонуний уланиш ҳолатларини фош этиш бўйича ўтказилган 2216 та рейд тадбирларида 2039 та ноқонуний ҳолатлар аниқланиб, 87,7 млрд. сўмлик энергия ресурслари толон-торож қилинганлиги аниқланган.

Бундан ташқари, ноқонуний ҳолатлар юзасидан 1350 та маъмурий ва 86 та жиноят иши қўзғатилиб, тергов ҳаракатлари давомида аниқланган зарарни ундирилиш чоралари кўрилмоқда.

Ўтказилган рейд тадбирлари давомида 24 та ноқонуний майнинг фаолияти фош этилиб, аниқланган 25 млрд. сўмлик зарар тергов ва суд жараёнида ундирилмоқда.
                                                                                  
Мазкур йўналишда назорат тадбирлари давом этмоқда.