Prokuratura 87,7 mlrd. soʻmlik energiya resurslari tolon-toroj qilinganligini fosh etdi

Jumladan, viloyat prokuraturasi organlari tomonidan boshqa huquqni muhofaza qiluvchi idoralar hamda sohaga masʼul tashkilotlar bilan hamkorlikda yoqilgʻi-energiya resurslaridan noqonuniy foydalanish hamda oʻzboshimchalik bilan ulanish holatlarini fosh etish boʻyicha kuchaytirilgan reyd tadbirlari oʻtkazib kelinmoqda.

Xususan, joriy yilda energiya tarmoqlariga noqonuniy ulanish holatlarini fosh etish boʻyicha oʻtkazilgan 2216 ta reyd tadbirlarida 2039 ta noqonuniy holatlar aniqlanib, 87,7 mlrd. soʻmlik energiya resurslari tolon-toroj qilinganligi aniqlangan.

Bundan tashqari, noqonuniy holatlar yuzasidan 1350 ta maʼmuriy va 86 ta jinoyat ishi qoʻzgʻatilib, tergov harakatlari davomida aniqlangan zararni undirilish choralari koʻrilmoqda.

Oʻtkazilgan reyd tadbirlari davomida 24 ta noqonuniy mayning faoliyati fosh etilib, aniqlangan 25 mlrd. soʻmlik zarar tergov va sud jarayonida undirilmoqda.
                                                                                  
Mazkur yoʻnalishda nazorat tadbirlari davom etmoqda.