Асқар Акаев: «Каримовга Қирғизистонда ҳайкал қўйган бўлардим»

Унинг айтишича, Каримов даврида юритилган ёпиқ иқтисодий сиёсат Қирғизистон ва Қозоғистон тадбиркорлари учун катта имконият яратган.

«Каримовга Қирғизистонда ҳайкал қўйган бўлардим», — деди Акаев.

Собиқ президентнинг таъкидлашича, 1990 йилларда қирғизлар бозор иқтисодиётига қай даражада тез мослаша олиши ҳақида кўп ўйлаган. Унинг фикрича, ўша даврда ўзбеклар савдо ва тадбиркорлик соҳасида анча кучли бўлган.

Акаевнинг айтишича, агар Ўзбекистон ўша пайтда ҳозиргидек очиқ иқтисодиётга эга бўлганида, қирғиз тадбиркорлари ўзбек бизнеси билан рақобат қила олмасди.

«Ўзбекистон ҳозиргидек очиқ бўлганида, қирғиз тадбиркорлари ўзбеклар билан рақобат қила олмасди», — деди у.

Унинг фикрича, Ислом Каримов мамлакатни ёпиқ сақлагани сабабли қўшни давлатлар тадбиркорлари учун янги бозор имкониятлари пайдо бўлган.

«Биз Ислом Каримовдан миннатдор бўлишимиз керак. Мен унга Қирғизистонда ҳайкал қўйган бўлардим. У бизга йўл очди», — деди Асқар Акаев.