Трамп яна Оқ уйда Зеленскийга таъсир ўтказиши мумкин

“Politico” нашрига кўра, Трампнинг Аляскада Путинни тантанали кутиб олиш билан Зеленскийга қилган муносабати ўртасида катта тафовут бор.

Зеленский бир қанча Европа Иттифоқи лидерлари билан Вашингтонга ташриф буюриб, Трамп билан Россия-Украина урушини тугатишни муҳокама қилади. Якшанба куни Трамп Truth Social ижтимоий тармоғидаги хабарида душанба кунги музокаралар шартларини белгилаб, украиналик ҳамкасби билан учрашувга кескин тус бергандай кўринмоқда.

"Украина президенти Зеленский, агар хоҳласа, Россия билан урушни деярли зудлик билан тугатиши ёки жангни давом эттириши мумкин. Уруш қандай бошланганини эсланг. Обама берган Қримни қайтариб бўлмайди (12 йил олдин, бирор ўқ отилмасдан!), ва Украининг НАТЎга кирмайди. Баъзи нарсалар ҳеч қачон ўзгармайди!!!”, — деган Трамп.

Кўп ўтмай, Зеленский ўз мурожаатини эълон қилиб, “барчамиз бу урушни тез ва ишончли тарзда тугатиш истагини баҳам кўрамиз", дея таъкидлади. У ўз мурожаатида ҳудудий ён беришлар ва хавфсизлик кафолатлари бўйича ўз шартларига ишора қилди.

"Тинчлик узоқ муддатли бўлиши керак. Йиллар олдин бўлгани каби эмас, ўшанда Украина Қрим ва Шарқимизнинг бир қисми - Донбасснинг бир қисмини беришга мажбур бўлган, Путин эса бундан шунчаки янги ҳужум учун плацдарм сифатида фойдаланган. Ёки 1994 йилда Украинага "хавфсизлик кафолатлари" берилган, аммо улар ишламаган пайтдагидек эмас", — деб ёзди Зеленский Х'даги постида

Хабар қилинишича, Трамп агар Украина ўзининг энг шарқий Донбасс ҳудудини, шу жумладан Россия назорат қилмаётган қисмларини ҳам топширса, Путин келишувга рози бўлишига ишонишини айтган. Зеленский эса илгари бундай қилиш Украинанинг асосий мудофаа позицияларини йўқотишига олиб келиши ва келажакда Россия ҳужумларига нисбатан заифроқ бўлиб қолиши ҳақида огоҳлантирган эди.

Трамп жума куни Аляскада Путин билан бўлиб ўтган саммитдан сўнг душанба куни АҚШ пойтахтида сўнгги дақиқалардаги учрашувни ўтказди. Путинни Америка заминида илиқ кутиб олган АҚШ президенти бу музокараларни Зеленский билан эҳтимолий уч томонлама тинчлик музокаралари учун очилиш деб ҳисоблаган эди. Аммо улар музокаралар столи устида ҳеч қандай келишув ва ўт очишни тўхтатиш бўйича келишувга эриша олмади.

 "Россия ва Украина ўртасидаги даҳшатли урушни тўхтатишнинг энг яхши йўли тўғридан-тўғри урушни тўхтатадиган тинчлик келишувига эришиш эканлиги аниқланди",  — деди Трамп .