Tramp yana Oq uyda Zelenskiyga taʼsir oʻtkazishi mumkin

“Politico” nashriga koʻra, Trampning Alyaskada Putinni tantanali kutib olish bilan Zelenskiyga qilgan munosabati oʻrtasida katta tafovut bor.

Zelenskiy bir qancha Yevropa Ittifoqi liderlari bilan Vashingtonga tashrif buyurib, Tramp bilan Rossiya-Ukraina urushini tugatishni muhokama qiladi. Yakshanba kuni Tramp Truth Social ijtimoiy tarmogʻidagi xabarida dushanba kungi muzokaralar shartlarini belgilab, ukrainalik hamkasbi bilan uchrashuvga keskin tus berganday koʻrinmoqda.

"Ukraina prezidenti Zelenskiy, agar xohlasa, Rossiya bilan urushni deyarli zudlik bilan tugatishi yoki jangni davom ettirishi mumkin. Urush qanday boshlanganini eslang. Obama bergan Qrimni qaytarib boʻlmaydi (12 yil oldin, biror oʻq otilmasdan!), va Ukraining NATOʻga kirmaydi. Baʼzi narsalar hech qachon oʻzgarmaydi!!!”, — degan Tramp.

Koʻp oʻtmay, Zelenskiy oʻz murojaatini eʼlon qilib, “barchamiz bu urushni tez va ishonchli tarzda tugatish istagini baham koʻramiz", deya taʼkidladi. U oʻz murojaatida hududiy yon berishlar va xavfsizlik kafolatlari boʻyicha oʻz shartlariga ishora qildi.

"Tinchlik uzoq muddatli boʻlishi kerak. Yillar oldin boʻlgani kabi emas, oʻshanda Ukraina Qrim va Sharqimizning bir qismi - Donbassning bir qismini berishga majbur boʻlgan, Putin esa bundan shunchaki yangi hujum uchun platsdarm sifatida foydalangan. Yoki 1994 yilda Ukrainaga "xavfsizlik kafolatlari" berilgan, ammo ular ishlamagan paytdagidek emas", — deb yozdi Zelenskiy X'dagi postida

Xabar qilinishicha, Tramp agar Ukraina oʻzining eng sharqiy Donbass hududini, shu jumladan Rossiya nazorat qilmayotgan qismlarini ham topshirsa, Putin kelishuvga rozi boʻlishiga ishonishini aytgan. Zelenskiy esa ilgari bunday qilish Ukrainaning asosiy mudofaa pozitsiyalarini yoʻqotishiga olib kelishi va kelajakda Rossiya hujumlariga nisbatan zaifroq boʻlib qolishi haqida ogohlantirgan edi.

Tramp juma kuni Alyaskada Putin bilan boʻlib oʻtgan sammitdan soʻng dushanba kuni AQSh poytaxtida soʻnggi daqiqalardagi uchrashuvni oʻtkazdi. Putinni Amerika zaminida iliq kutib olgan AQSh prezidenti bu muzokaralarni Zelenskiy bilan ehtimoliy uch tomonlama tinchlik muzokaralari uchun ochilish deb hisoblagan edi. Ammo ular muzokaralar stoli ustida hech qanday kelishuv va oʻt ochishni toʻxtatish boʻyicha kelishuvga erisha olmadi.

 "Rossiya va Ukraina oʻrtasidagi dahshatli urushni toʻxtatishning eng yaxshi yoʻli toʻgʻridan-toʻgʻri urushni toʻxtatadigan tinchlik kelishuviga erishish ekanligi aniqlandi",  — dedi Tramp .