Ўзбекистонда “Экологик технологиялар саноат парки” ташкил этилади

Янги саноат парки экологик технологиялар соҳасида юқори қўшилган қийматга эга маҳсулотлар ишлаб чиқаришни кенгайтириш ва замонавий саноат қувватларини шакллантиришга хизмат қилади.

Лойиҳа доирасида халқаро стандартлар асосида сертификат бериш имкониятига эга бўлган замонавий лаборатория ҳам ишга туширилади. Бу маҳаллий маҳсулотларнинг халқаро талабларга мувофиқлигини тасдиқлаш ва экспорт имкониятларини кенгайтиришга хизмат қилиши кутилмоқда.

Президент таъкидлаганидек, жорий йилнинг ўзидаёқ саноат паркида хусусий инвесторлар иштирокида бир қатор янги ишлаб чиқариш лойиҳалари старт олади. Улар орасида:

• катта диаметрли қувурлар;
• кўтарма кранлар;
• филтрлаш ускуналари;
• ҳамда бошқа замонавий саноат маҳсулотларини ишлаб чиқариш лойиҳалари бор.

Мазкур ташаббус саноат кооперациясини ривожлантириш, хусусий инвестицияларни жалб қилиш ва мамлакатда экологик технологиялар соҳасини янги босқичга олиб чиқишга қаратилган.