Ўзбекистонга Хитойдан 30 та автобус олиб келинди

Қайд этилишича, ҳудудларда аҳолига кўрсатилаётган транспорт хизматлари сифатини яхшилаш мақсадида замонавий ҳаракат таркиблари (янги автобусларни) олиб келиш ишлари давом этмоқда. 

Шунга кўра Жиззах вилоятида йўловчи ташиш фаолияти билан шуғулланувчи "Jizzax orient trans" ХК томонидан Хитойда ишлаб чиқарилган 30 дона замонавий Zhongtong русумли автобуслари олиб келинган. 

Ушбу автобуслар Жиззах шаҳридаги 3 та янги йўналишларга брутто-шартнома асосида жойлаштирилиши режалаштирилган.

— 1-йўналиш: 107-сонли "Зилол МФЙ – Нурафшон МФЙ" йўналиш; 
— 2-йўналиш: 110-сонли "Сўғдиёна МФЙ – Учариқ МФЙ" йўналиш; 
— 3-йўналиш: 113-сонли "Жиззах АШБ – Товар ХАБ" йўналиш.

Қўшимча қилинишича, жорий йил якунига қадар вилоятга яна 60 та автобус олиб келинади.