Oʻzbekistonga Xitoydan 30 ta avtobus olib kelindi

Qayd etilishicha, hududlarda aholiga koʻrsatilayotgan transport xizmatlari sifatini yaxshilash maqsadida zamonaviy harakat tarkiblari (yangi avtobuslarni) olib kelish ishlari davom etmoqda. 

Shunga koʻra Jizzax viloyatida yoʻlovchi tashish faoliyati bilan shugʻullanuvchi "Jizzax orient trans" XK tomonidan Xitoyda ishlab chiqarilgan 30 dona zamonaviy Zhongtong rusumli avtobuslari olib kelingan. 

Ushbu avtobuslar Jizzax shahridagi 3 ta yangi yoʻnalishlarga brutto-shartnoma asosida joylashtirilishi rejalashtirilgan.

— 1-yoʻnalish: 107-sonli "Zilol MFY – Nurafshon MFY" yoʻnalish; 
— 2-yoʻnalish: 110-sonli "Soʻgʻdiyona MFY – Uchariq MFY" yoʻnalish; 
— 3-yoʻnalish: 113-sonli "Jizzax AShB – Tovar XAB" yoʻnalish.

Qoʻshimcha qilinishicha, joriy yil yakuniga qadar viloyatga yana 60 ta avtobus olib kelinadi.