Тарихий адолат тикланмоқда: яна 161 нафар қатағон қурбони оқланди

Ўзбекистон Республикаси Олий суди томонидан яна 161 нафар қатағон қурбони оқланди. Бу ҳақда 6 май куни бўлиб ўтган очиқ суд мажлисларида маълум қилинди.

Маълум бўлишича, Туркфронтнинг Фарғона қўшинлар гуруҳи Ҳарбий кенгаши қошидаги Фарғона махсус бўлими ҳамда Ўрта Осиё ва Қозоғистон бирлашган давлат сиёсий бошқармаси қошидаги Учлик Кенгашининг 1920–1934 йилларда қабул қилинган қарорлари асосида айбланган бир гуруҳ ватандошларга оид жиноят ишлари қайта ўрганиб чиқилди.

Олий суднинг Жиноят ишлари бўйича судлов ҳайъати апелляция инстанцияси томонидан Жиноят-процессуал кодексининг 83-моддаси асосида 8 та жиноят иши бўйича 161 нафар шахс оқланди.

Бу қарор мамлакатда қатағон қурбонлари хотирасини тиклаш, тарихий адолатни қарор топтириш ва инсон қадрини улуғлаш йўлидаги муҳим қадам сифатида баҳоланмоқда.

Оқланган қатағон қурбонлари рўйхати билан танишиш мумкин