Тошкентнинг қайси манзилларида иссиқ сув вақтинча тўхтатилиши айтилди

Унга кўра, 25, 26, 27 март кунлари иссиқлик тармоқларининг максимал ҳароратга чидамлилиги синовдан ўтказилади. Шу муносабат билан кўрсатилган саналарда қуйидаги манзилларда соат 9:00 дан 18:00 гача иссиқ сув таъминоти вақтинча тўхтатилади. 

25 март куни Мирзо Улуғбек, Яшнобод, ва Юнусобод туманининг бир қисмида, 26 март куни Чилонзор ва Учтепа туманларида, 27 март куни Мирзо Улуғбек туманида иссиқ сув вақтинча ўчириб қўйилади. 

Синовлар келаси иситиш мавсумига пухта тайёргарлик кўриш мақсадида ўтказилмоқда. Максимал ҳароратдаги синовлар давомида қувурларда шикастланишлар юз бериши, иссиқ сув йўллар ва тротуарларга чиқиб кетиши мумкин.