Трамп Ғазо ва Исроил ўртасидаги уруш тугаганини эълон қилди

Пайшанба куни Трамп иштирокида Оқ уйда Вазирлар Маҳкамаси йиғилиши бўлган. Унда Ғазодаги маҳбуслар алмашинуви кенг қамровли Ғазо режасининг биринчи босқичи доирасида озод қилиниш керак.

“Ғазодаги урушни тугатдик,” деди у, бу “мангу тинчлик”ка олиб келишига умид қилиб.

Шунингдек, Трамп воситачилар – Туркия, Миср ва Қатарни келишувга эришгани билан табриклади. Шунингдек, у ўз нутқида Саудия Арабистони, Индонезия ва Иорданияга миннатдорлик билдирди.

Трамп ўт очишни тўхтатиш бўйича келишувни таъминлагани учун Туркия раҳбари Ражаб Тоййиб Эрдоғанга алоҳида миннатдорчилик билдирди.

“Президент Эрдўған ўт очишни тўхтатиш бўйича келишувни таъминлашда шахсан иштирок этди”, – деган у.

Трамп, шунингдек, Эрон билан ишлашга тайёрлигини айтди.

“Эрон тинчликка эришиш йўлида ишламоқчи. Теҳрон Ғазодаги ўт очишни тўхтатиш келишувини тўлиқ қўллаб-қувватлади, биз буни қадрлаймиз ва Эрон билан ҳамкорлик қиламиз,” – дея таъкидлаган у.

Исроил ва ҲАМАС ҳаракати тинчлик режасининг биринчи босқичи доирасида ўт очишни тўхтатиш ва гаровга олинганларни алмашиш бўйича келишувга эришди. Музокаралар Шарм аш-Шайх курорт шаҳрида Миср, Қатар ва АҚШ воситачилигида бўлиб ўтди. Келишув зудлик билан ўт очишни тўхтатиш, ҲАМАС томонидан гаровга олинганларни озод қилиш ва Исроил қўшинларини Ғазо секторидан қисман олиб чиқишни назарда тутади.