Франция ҳам Фаластин давлатини тан олди

Қайд этилишича, Макрон Х ижтимоий тармоғидаги хабарда Ню-Ёркда бўлиб ўтадиган БМТ Бош ассамблеяси сессиясида бу янгиликни расман эълон қилинишини ёзган.

"Бугунги кунда энг долзарб масала - Ғазодаги урушни тўхтатиш ва тинч аҳолини қутқаришдир. Тинчликка эришиш мумкин. Бизга дарҳол ўт очишни тўхтатиш, барча гаровга олинганларни озод қилиш ва Ғазо аҳолисига кенг кўламли гуманитар ёрдам кўрсатиш зарур", — деб ёзган у.

Фаластин расмийлари Макроннинг бу қарорини хурсандчилик билан кутиб олишди. Исроил бош вазири Бинямин Нетанъяху эса бу қадам ҲАМАС'нинг 2023 йил 7 октябрда Исроилга қилган ҳужумидан сўнг "террорни рағбатлантириш" деб атамоқда.

АҚШ давлат котиби Марко Рубио Макроннинг баёнотини "қатъиян рад этаётганини" айтиб, бу қарорни "беҳуда" сифатида баҳоламоқда.

G7 йирик саноатлашган давлатлар гуруҳи бўлиб, унга Франция билан бир қаторда АҚШ, Буюк Британия, Италия, Германия, Канада ва Япония киради.

"Яқин Шарқда адолатли ва барқарор тинчликка бўлган тарихий содиқлигимизга мувофиқ, мен Франциянинг Фаластин давлатини тан олиши ҳақида қарор қабул қилдим. Биз, шунингдек, ҲАМАС'ни қуролсизланишини таъминлашимиз, Ғазони хавфсиз қилишимиз ва уни қайта қуришимиз керак”, —дея ёзган Макрон Х ижтимоий тармоғида.

 

Шунингдек, у Фаластин давлатини барпо этишни ва у ерда барқарорликни таъминлаш кераклигини айтмоқда. Шунингдек, ҲАМАС қуролсизлантириш ва Исроилни тўлиқ тан олиш орқали Яқин Шарқдаги барча давлатларнинг хавфсизлигига ҳисса қўшишни кафолатлаш кераклигини ва ҳозирги вақтда бундан бошқа муқобил йўл йўқ эканлигини таъкидламоқда.

Макрон, шунингдек, Фаластин маъмурияти раҳбари Маҳмуд Аббосга унинг қарорини тасдиқловчи мактубни илова қилди.

"Бу позиция Франциянинг халқаро ҳуқуққа содиқлигини ва Фаластин халқининг ўз тақдирини ўзи белгилаш ҳуқуқини ва мустақил давлатимизни барпо этишни қўллаб-қувватлашини акс эттиради”, — деди Маҳмуд Аббоснинг ўринбосари Ҳусайн ал-Шайх.

"Биз Президент Макроннинг 7 октябрь кунги қирғин ортидан Тел-Авив яқинидаги Фаластин давлатини тан олиш қарорини кескин қоралаймиз”, - дея ёзган Исроил Бош вазири Бинямин Нетанъяху Х ижтимоий тармоғида.

ҲАМАС Франциянинг қарори "тўғри йўналишдаги ижобий қадам" эканини айтди ва дунёнинг барча давлатларини "Франция ортидан эргашишга" чақирди.

Бугунги кунда Фаластин давлати БМТга аъзо 193 давлатнинг 140 дан ортиғи томонидан тан олинган. Европа Иттифоқининг бир неча давлатлари, жумладан, Испания ва Ирландия шулар жумласидандир. Аммо Исроилнинг асосий қўлловчиси АҚШ ва унинг иттифоқчилари, жумладан, Буюк Британия Фаластин давлатини ҳалигача тан олмаган.

Буюк Британия бош вазири Кей Стармер пайшанба куни берган баёнотида жума куни Франция ва Германия раҳбарлари билан "қотилликни тўхтатиш учун зудлик билан нима қилишимиз мумкинлиги"ни муҳокама қилиш учун "фавқулодда қўнғироқ" ўтказишини айтди.

Стармерга кўра, давлатчилик Фаластин халқининг ажралмас ҳуқуқи ва ўт очишни тўхтатиш Фаластин давлатини тан олиш ва икки давлат ечими бу можаронинг тўхтатиш учун яхши ечим ҳисобланади.

Кейирнинг баёноти Буюк Британия Франция ортидан бориши ўз депутатлари босимига дуч келаётган бир пайтда янгради.

Жума куни Буюк Британия ташқи сиёсатини синчковлик билан ўрганадиган ташқи ишлар қўмитасидаги депутатларнинг аксарияти Фаластин давлатини дарҳол тан олишга чақириб, у "тан олиниши керак бўлган давлат ҳали мавжуд бўлганида" ҳаракат қилиши кераклигини қўшимча қилди.

“Халқаро ҳамжамиятнинг Фаластин халқининг ўз тақдирини ўзи белгилаш ва мустақил давлат тузиш ҳуқуқи бўйича консенсусини яна бир бор тасдиқлайди", — дейилади Саудия Арабистони ташқи ишлар вазирлиги баёнотида.