Ўзбекистонда кучли магнит бўрони кутилмоқда

Қуёш фаоллиги кескин ошган

Олимлар қуёш томонидан чиқарилган плазма булутларининг ҳаракат моделини тузиб, геомагнит фаолликни олдиндан башорат қилишга ҳаракат қилмоқда. Ҳозирги прогноз 6 ноябрь куни кечаси қайд этилган навбатдаги кучли чиқарилишни ҳали ҳисобга олмаган ва яқин 24 соат ичида янада кучайиши мумкин.

G4–G5 даражали бўрон эҳтимоли бор

Лаборатория маълумотларига кўра, плазма ҳаракати 2024 йил 11–12 май кунларида кузатилган ҳолатни эслатмоқда. Ўшанда Ерга бир нечта чиқарилишлар бир вақтда етиб келиб, улкан энергияли тузилмани ҳосил қилган эди.

Ҳозирги ҳисоб-китоблар бўйича, 7 ноябрда бўрон даражаси G3–G4 (кучли – жуда кучли) оралиғида бўлиши кутилмоқда. Янги маълумотлар қўшилгандан кейин прогноз G4–G5 даражасигача, яъни экстремал геомагнит фаоллик даражасига етказилиши мумкин.